昨晚（13日）谷中尾場，意大利騎師李寶利騎「幸運興隆」影相輸條毛，冇辦法全晚梅開二度，從而同法國好手巴度睇齊。

事後有唔少馬迷都覺得出面的「幸運興隆」及在內欄由潘頓操刀的「育成寶貝」，似乎是平排過終點，前駒點都唔應該輸。最終馬會經電眼判決後，宣佈「育成寶貝」是唯一頭馬，對賽果感到愕晒然嘅李寶利只能表示無奈。

不過，出名夠晒義氣嘅李寶利好快就收拾心情，於社交平台將自己昨晚騎「榮冠大道」在盃賽的勝利，獻俾不幸患上癌症的同鄉騎師普卓裕（Daniele Porcu），仲叫該位以德國為策騎基地的老友唔好放棄，鼓勵佢正面對抗癌魔。