陳智燊（Jason）和太太宋熙年（Sarah）昨日宣佈誕下麟兒，囝囝重6磅多，母子平安，Jason在Ig上載與囝囝合照，並留言：「兒子的誕生讓我們的生活充滿笑容和笑聲！」其後Jason接受《蘋果》訪問，他語帶興奮說：「好開心，好興奮。上星期先照顧大住肚嘅Sarah，BB𠵱家出咗世，成件事唔知點去消化，好多唔同感受，好複雜。」

「想生多個女」

對於陪老婆入產房，Jason說：「入咗產房好放心，醫生、麻醉師好專業，有佢哋照顧住好放心，從來冇擔心過。生產過程好順，多謝醫生同姑娘。」Jason稱有為囝囝剪臍帶：「緊張，醫生傍住我，叫我先影張相，過程似剪綵。剪完，BB仔冇事，爸爸心靈冇嚇親。」
Jason指BB瞓覺個樣好甜似媽咪：「但朋友話佢似爸爸，個名未改。」雖然他已安排陪月員照顧妻兒，不過仍會全天候貼身幫手：「啲friend話太太產後情緒會波動啲，要留意吓。啱啱返到屋企，媽咪同BB仔都食得瞓得，所以好感恩，狀態幾唔錯。」Jason更搞笑地說：「希望醫生嚟緊幾年唔好咁快退休，我想再生，Sarah想再生多個女。」
採訪：陳杰