【真係㗎？】沙律出Po問如何清潔手機 網民爭住答：用水洗
蘋果日報 2020/03/02 20:45
沙律張沛樂
（IG圖片）
武漢肺炎至今仍然未受控制，甚至已蔓延全球，市民當然不能掉以輕心，抗疫行動要做足，更要加強個人衛生，港大感染及傳染病中心總監何栢良亦呼籲大家不能鬆懈。清潔，當然由自己做足，當中手機亦不容忽視，何栢良曾提醒市民要用含火酒或者消毒液的即棄濕紙巾，徹底清潔手機套及機身，但要避過手機鏡頭，因火酒或者消毒液可能會損毀鏡頭。
張沛樂（沙律）昨日在IG貼出一張抹手機的相片，並留言問：「平日接觸最多就係手機，真係好多細菌，但聽講用消毒酒精抹會令手機壽命下降，你哋平時會用咩方法清潔呢﹖」有網民好搞笑，提議沙律「用漒水浸吓」，「問吓Ann姐可唔可以拎部手機去蒸10分鐘消毒！！」(註：Ann姐即曾建議市民蒸口罩的蔣麗芸)，亦有網民表示「都係酒精！手機壽命下降好過人壽命下降！」
其實沙律都問得好啱，曾經有位手機達人講過，用有酒精成分的濕紙巾抹手機，當中的水分可能抹完後會留有水漬，若果手機沒有貼上屏幕保護貼，更有可能會侵蝕屏幕。雖然沙律問得有理由，但疫情嚴峻，都是命仔緊要呀！
《果GYM》隨身播 健身壹App過！
沙律出post向網民請教清潔手機的方法。（IG圖片）
有不少人叫她直接用水清洗，認真玩嘢。（IG圖片）
更有人抽水，叫沙律試蒸手機來殺菌清毒。（IG圖片）
亦有人提沙律，寧可減手機壽命好過損自身健康。（IG圖片）