這邊廂李思捷同胡杏兒就整蠱玩出火，俾網民鬧爆，同思捷關係疑幻似真，唔知係咪真係分咗手嘅春卷(王寶寶)就應該真係死咗心囉!

前晚佢被本報影到抱住愛犬現身大坑，身旁有位約30幾歲嘅凸腩佬觀音兵，兩人剛食飽離開餐廳，走到附近嘅coffeeshop叫外賣。

兩人買完咖啡，凸腩佬即做柴可夫駕駛七人車，送春卷返去於元朗嘅村屋香閨，當駛達村口時，佢座駕停泊於暗角位，兩人喺車內依泣談心，春卷嘅愛犬乖乖伏喺凸腩佬大髀上，兩人傾咗一陣更依依不捨，春卷落車前主動投懷送抱，獻上甜甜嘅goodbyekiss，冧到凸腩佬暈得一陣陣。據知，凸腩男名叫馮祖暉（Ken），由法國回流香港發展，是日式便當公司「森川」嘅老闆兼大廚，喺鰂魚涌同紅磡都有分店。