當年今日
關於我們

【引以為戒】黎芷珊中環違泊阻塞交通 方力申經常畀網民「捕獲」亂泊車

蘋果日報 2017/07/21 00:02

黎芷珊余文樂違例泊車方力申

唔少藝人都會揸車代步,不過話晒公眾人物,如果有違例事件發生都難免會比較吸引公眾注意。
黎芷珊
芷珊姐姐喺月前喺中環違例泊車,仲畀網民擺上fb群組鬧爆。因為佢將架Benz泊咗喺中環一個街口,仲頂住巴士轉唔到彎,阻塞交通之餘,仲要警察嚟到指揮交通o添!而事後芷珊姐姐仲親自去到群組道歉。
方力申
小方嘅車牌咁啱就係用佢愛好嘅足球隊外號命名,有唔少網民對佢車牌都耳熟能詳,所以佢經常畀網民「捕獲」,其中一次就係被發現喺天后泊咗喺行人路上,仲畀路人寫紙仔提醒o添!
余文樂
愛車之人余文樂不時會揸佢架靚車出動,不過泊車對佢嚟講,睇嚟真係好大問題,喺去年萬聖節佢曾經揸住佢架保時捷座駕去到中環,咁啱佢泊喺原本係巴士站的位置,而當日仲因為封路仲有唔少警車嚟到,而樂仔嘅坐架亦都避不過被抄牌嘅命運。