(新增回應)

2015年同脊醫Jeremy Leung結婚嘅鍾嘉欣，婚後育有得意囡囡Kelly，之後一直加港兩邊飛，不時出席商場騷玩下遊戲唱下歌搵快錢。視家庭為生命第一位嘅佢，今午宣佈將再為人母，亦宣佈正式同無綫結束13年賓主關係。

鍾嘉欣今午接受電話訪問時稱：「好多謝所有媒體朋友一直咁關心同錫住我，其實今次可以再次懷孕真係好開心，但今次陀B係比較辛苦，同之前陀Kelly係好唔同，今次反應係強烈好多，攰好多，害喜反應好犀利，成日都想作嘔。但Anyway，都係開心嘅事，我亦明白係必經階段，好多謝大家祝福，我希望好快再見到大家。」

之後嘉欣叫Kelly講多謝，Kelly用好甜美聲音講﹕「多謝！Hi！」畫面真係好sweet！

而好姊妹王君馨亦短訊回覆傳媒，向嘉欣送上祝福，佢話﹕「送晒我所有嘅祝福同埋我係比佢！(幾時輪到你生BB？)我一定會守龍門！