已經榮升做三子之父嘅「台灣小旋風」林志穎(小志)，今日係佢嘅42歲生日，但係呢個爹哋好似食咗防腐劑唔識老咁，睇落個樣仲係好後生，真係令人讚嘆又羨慕﹗

今日小志喺fb貼咗幾張生日相，背景好簡單，只係有個生日蛋糕，再加多一個4字同2字嘅金色汽球，不過小志好感動咁留言話：「今年的生日很特别，除了好友林俊傑，最主要是家裡多了兩個新成員一起慶生！」睇見小志咁開心，啲相又好有愛，梗係有唔網民留言講生日快樂喇，但係亦都有人好搞笑問小志係咪確定係42歲而唔係24歲生日，果然厲害！