神劇《太陽的後裔》嘅男女主角宋仲基、宋慧喬將於下月31號結婚，雙宋本月3號被捕獲到合體飛美國洛杉磯，盛傳兩人係到當地拍攝婚紗相。噚日再有報道指兩人已抵達三藩市，同行仲有知名攝影師洪章賢，據知洪章賢負責操刀今次雙宋嘅婚照，令粉絲相當期待。

而洪章賢日前亦有透過Instagram公開風景照，並留言寫道「san francisco us」，令粉絲十分好奇，紛紛留言問道係咪雙宋拍攝婚照嘅地方，不過當然洪章賢方面冇任何回應。