【演唱會只着平底鞋】請老竇秋官做嘉賓 欣宜：佢嚟實搶焦點
蘋果日報 2018/03/10 20:25
演唱會鄭欣宜鄭少秋
鄭欣宜今日喺尖沙嘴舉行記者會，為下月舉行嘅演唱會宣傳造勢，現場仲播出咗欣宜喺99嘅表演片段。
欣宜之前整親腳，所以佢話個唱時就唔會着高踭鞋演出，現場更獲老闆同及主辦商送上約9千蚊嘅平底鞋俾佢㖭。除咗得到老闆同主辦單位嘅愛錫，男神黃子華、好友許廷鏗、周秀娜同鄭融等，都有錄片支持佢，欣宜即場感動到喊。佢話：「上得紅館嘅女歌手都着高踭鞋，有個勢喺度，我不如反傳統赤腳踢拖。」
兩晚演唱會有超過5位表演嘉賓，欣宜形容為「犀非利」，問到老竇鄭少秋會唔會係其中一人？佢話：「唔係唔嚟睇卦？我有諗過塞佢喺台底，佢嚟實搶焦點，呢次機會到我啦！」另外，愛喊嘅欣宜笑言要挑戰喺安哥位先喊少少。
精選娛聞，喺晒《娛果》
http://fb.com/appledailyent
攝影：仇志德
欣宜睇完好多老友嘅支持短片，感動到喊咗出嚟。
老闆蕭定一同主辦單位送咗對約9千蚊嘅平底鞋俾欣宜。