問可覺得Patrick花心?子羚語帶相關說:「唔知,又冇同佢拍過拖,但知佢唔鍾意排骨,鍾意鋸扒囉。」子羚透露最近與嘉欣合作拍新劇《單戀雙城》,指對方有進食,只是間中覺得頭暈,她說:「可能佢(Patrick)靚仔啦,又好細心。但如果我係嘉欣見到啲咁嘅新聞都幾難復完,想佢過新生活。」子羚表示會趁機會介紹男仔予嘉欣認識,她說:「佢鍾意young啲,我就鍾意成熟啲,分手後都想佢擴闊生活圈子。」
另外,陳煒在《法網狙擊》穿斜膊裝大受好評,泳衣look更被老公讚索過真人,帶挈她接了新廣告。她說:「希望豬籠入水啦,今個月有六位數收入。」她透露老公將於新年期間由台灣來香港陪她,但暫未計劃生BB。有指陳煒與田蕊妮不和,又眼紅萬綺雯(蚊蚊)?她否認:「有約蚊蚊食飯,田蕊妮見到亦會打招呼。」
採訪、攝影:王崇穎