今季F1進行咗12個分站，艾朗素除竟然有七站因為引擎故障而退賽，包括周日嘅比利時站。據悉呢位麥拿侖車手終於忍唔住向車隊發難：「要本田引擎定要我？」

不過，本田就唔肯承認引擎出事，本田F1主管長谷川祐介聲稱翻查數據後，證實引擎完全冇問題。至於麥拿侖車隊主席保利亞就為艾朗素辯護：「佢覺得架車唔對路。」有消息指麥拿侖都同雷諾斟緊，希望後者可以喺新季提供引擎。