陳嘉倩、蔡宛珊（Sarika）、陳安立與羅沛琪等，今天在九龍灣為ViuTV節目《今晚趁熱食》宣傳，在記者會上一同炮製健康飲品。陳嘉倩直言要跟飲食健康的Sarika學習，原因是自己飲食不戒口，尤其喜歡吃重口味的辣菜式，也甚少運動，她指自己屬於水腫型女生：「因為年紀大肌肉會流失，健身教練建議我要操肌肉，疫情期間都多咗喺屋企做瑜伽。」問到嘉倩會否嚐試斷食瘦身？她笑說：「係女仔都想瘦，我瞓覺嗰10個鐘計唔計？因為我要瞓好耐，一日要瞓10至12個鐘，可以當斷食。」談到擇偶條件，會否希望選一個肌肉男還是要喜歡重口味飲食的男友？她笑說：「都要鍾意食辣嘅，肌肉型就最好，因為自己唔係運動型，佢可以指導我。」

平日都很注重健康的Sarika，幾乎每天也會做運動，每天斷食16小時，她笑指在節目上擔任「食物警察」，負責監督大家的健康飲食，Sarika說：「我研究飲食已經有幾年時間，本身有做生酮飲食、斷食法，每日都會做運動，做gym會做兩個鐘，就算去旅行都會做。我每日會斷食16個鐘，最長試過斷食24小時。都可以食好多嘢嘅，我唔食牛肉，會食白肉，打邊爐最啱我。就算同朋友出去食飯，自己會飲嘢，就算見到好好味嘅嘢都把持得住，當訓練自己嘅意志力。」她又爆自己曾嘗試吃減肥藥減肥，她說：「我細個時試過食過減肥藥，雖然瘦得快，但反彈得好快，藥物會減少食慾同令人心情低落，減肥係冇捷徑嘅，一定要做運動同健康飲食。」至於找另一半可要求運動型男生？Sarika笑言未來另一半一定要喜歡做運動。

採訪：羅慧敏
攝影：林賓尼

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新