保守估計有成兩億身家嘅容祖兒，原來有個係機鋪打工嘅70幾歲爺爺，祖兒因為自少父母離異，由媽媽一手湊大，所以好錫媽咪。至於生父就無聯絡，爺爺感情都係好淡薄。

今日就有報導搵咗容爺爺，早年再婚，依家同細嫲一齊住係大角咀劏房，喺太子一間機鋪兼職做收銀同打掃，幫補家計，三十蚊個鐘，日做七粒鐘，咁鬼老，仲要兼職捱騾仔，好辛苦，相反，男友劉浩龍包埋頭等一齊坐，仲有傳打本俾男友開餐廳搞生意，真係一個天一個地。

報導仲講到甚少現身的祖兒，今年新年突然去搵爺爺，講完要講嘅嘢，就丟低咗一千蚊雞咁腳走，搞到阿爺好嬲，細嫲就同班街坊呻話唔係等佢嗰一千蚊開飯，不如唔好俾，貴為天后，真係有失身份。」