前國際米蘭球星、被譽為國王嘅阿祖安奴又復出喇！現年35歲嘅佢已經失咗業一排，直至上個禮拜三先至重返球場，同薛高、戴維斯、羅馬里奧呢啲經典球星並肩作戰，喺里約熱內盧嘅馬拉簡拿球場踢慈善賽。雖然跑得冇以前咁快，但最令人欣慰嘅，就係阿祖安奴已經修晒身，仲接應隊友傳送攻入一球。

自從父親喺2004年過世之後，阿祖安奴大受打擊自暴自棄經常流連夜店，令事業急走下坡，仲變成一個失業肥佬。睇見阿祖安奴已經修心養性，據報母會法林明高亦有意邀請佢復出，國王有望再次馳騁沙場。

---------------
BFB CHAMPIONS 2.0 新年活動大放送！每日免費11連抽！立即加入 http://bit.ly/2xrTKGM