建於五十年代的深水埗大坑東邨部份公屋將於短期內清拆，受影響的二百多戶貧困綜援長者卻無力支付新屋的基本裝修費用。有見及此，早前蘋果基金撥款資助香港聖公會基愛大坑東社區發展中心推行「安居樂業社區互愛計劃」，聘請失業工友助弱老解決搬遷裝修的困難。

「可以住到咁靚嘅屋，真係好驕傲，但係搵三行裝修間屋，起碼六、七百蚊一工，人工費咁貴，邊度畀得起。我諗住唔整間屋；後來知道有工人免費幫我裝修，梗係好開心，真係慳番好多錢㗎！」八十歲白髮蒼蒼的胡婆婆喜孜孜地說。

多病夫婦綜援過活
獨居的她，沒有結婚，從事家庭傭工五十多年，退休後，依靠生果金及僅餘的積蓄維生，須節衣縮食過活。在大坑東邨住了七年多的她，為幫補生計，每日大部份時間均會留在家中，從事「手作仔」工作，賺取微薄收入。
她坦言：「試過連續開工五個幾鐘頭，幫工廠穿吓牌仔，每個月都係賺二百幾蚊；經濟唔好，今年生意都少咗好多，搬屋之後，租又會貴幾百蚊，𠵱家好彩有義工幫我搬屋，減輕經濟負擔。」
關伯夫婦依靠微薄的綜援金過活，經濟緊絀。八十一歲的關伯患有痛風症多年，八十二歲的葉婆婆則從事清潔工作。數年前，關伯突然中風，她遂辭退工作，照顧其起居飲食。