讀者王小姐話當時搭緊觀塘線去調景嶺方向,到黃大仙站就見到位大媽「好似揸電單車咁」入車廂。職員到場勸佢都冇用,大媽話要番屋企喎。突然間大媽「咚」一聲跪地,仲開始磕頭。佢帶住超重鄉音嘅廣東話,不停向職員求情:「畀啲人情啦!唔該!求你啦!」職員都好無奈咁安慰大媽,不過佢聽唔入耳,繼續嗌:「皇帝啊!」
港鐵發言人指,當晚彩虹站職員接到乘客報告,喺列車上有女乘客帶同電動單車上車,仲坐喺車上面。職員其後喺開往調景嶺嘅列車上發現該女乘客,提醒佢唔可以帶電動單車進入港鐵範圍。最後職員陪同女乘客喺牛頭角站落車同離開車站。