今次（3日）日馬編跑十場全草地，用B跑道角逐，近期跑道形勢好平均，前置或後追都有成績，臨場再看情況執生為是。

馬房方面，羅富全擺出強陣，賀賢及苗禮德亦派精兵出戰，這三個倉可優先留意。見習生黃俊停賽期滿復出，騎八場，又可發揮減十磅威力，莫雷拉則賽後將停賽兩日。

第十場二班1200米：「真好彩」季內用得唔多，只跑了六場，上仗在直路賽能贏唔出奇，但姿態比預期輕鬆，能造快時間，且拋離對手兩個多馬位，實在眼前一亮。

復課先做一些舒緩工夫，一星期後進行快試，埋門黃皓楠連操三課，拍跳勁力貫注，粗壯大馬收身靚，懶性大減，表現甚活躍，論表現遠勝上回。今次跑番1200米更耍家，騎練近期搏馬手風好順，令大家都有信心捧場，是坐位望贏之選。

「滿地可」初出跑第四，熱身後加眼罩及綁脷，正是外地贏馬之配備，結果在直路賽補中，今次轉戰1200米，有外地贏馬賽績根據，升班減負輕磅，排四檔形勢唔錯，夠實力挑戰任何對手。

「有理共想」雖然仍有缺點，但在同程已取得兩勝兩位，復課保持進度，彈閘走勢急勁，埋門快跳喜見韁口改善，淡定唔急唔搶，要兼顧。

「妙算達人」上仗能擊敗「錶之太陽」，認真唔簡單，後駒上1400米照贏