提起吳剛師傅，就會想起《歡樂滿東華》，想起《東華》，就一定會記得吳剛搽油、食炭、心口碎大石、飲滾油等亡命表演。不過自從吳剛十幾年前轉做飲食業之後，鮮有復出拍戲，立立令露肉場面，成為絕響。
已升呢做董事的吳剛，經常要到不同地區的酒家巡視業務，雖然曾傳出捲入破產疑雲，但被他否認。讀者劉先生透過本報「爆相爆片」，透露大前晚9時許，在港鐵油塘站轉車時，見到戴着眼鏡的吳剛坐在車廂，當日吳剛穿上白色恤衫加筆挺黑西裝，西裝袋還放了一條袋巾仔，一副生意人模樣，非常注意儀容。

頭戴濃密假髮

讀者劉先生表示吳剛一直講電話，其間見到有對父子站在他面前，吳剛原本揞嘴的右手，好自然舉起與人打招呼。劉先生說：「我以為嗰個爸爸係識吳剛師傅，點知吳剛同佢打招呼，個爸爸完全冇反應，仲行埋一邊，吳剛惟有放低手，表情都幾尷尬！」
似乎會錯意的吳剛雖然慘食檸檬，但很快又回復四萬笑容。不久，吳剛再眼定定望着偷影的劉先生，望了兩眼更露出會心微笑，似乎他雖然沒有做娛樂圈，但對鏡頭觸覺依然敏銳。
比起《東華》時的大隻吳剛，今年61歲的他身形明顯瘦了一個碼，頭頂永恒濃密烏黑、密不透風的假髮，再加企領恤衫厚西裝，即使近日天氣轉涼，一身造型仍感覺很熱。

採訪：王梓嫚、唐琛悠