韓國大熱綜藝節目《RunningMan》嘅宋智孝同Gary去年以「周一情侶」姿態拍攝京東制藥廣告。由於佢哋呢對情侶太受歡迎，所以今年廣告商就繼續同佢哋續約。

日前佢哋就拍攝新一輯廣告，成為2016年嘅代言人，當中廣告商仲用咗Gary首新歌《又一天》做背景音樂，廣告將於明天公開。

另外，《RM》另一位人氣成員李光洙所屬嘅事務所今日亦都宣佈光洙成為咗豐田最新車型嘅美國區代言人，廣告喺美國時間11日通過ToyotaUSAYouTube官方頻道公開，光洙嘅事務所話：「李光洙將喺全美展開品牌相關活動。」可見光洙嘅人氣紅到去美國，認真犀利。