米蘭時裝周第二天，早上第一場大騷有Tod’s。

趙薇之前激減15Kg，回復fit爆身型，短褲Look更被形容為少女期「小燕子」。她今日在米蘭出席意牌 Tod’s 2019春夏騷，改以一身Rock 女的勁裝示人。趙薇穿流蘇biker配skinny jeans、架上墨鏡，有型自信，她和品牌大老闆Diego Della Valle排排坐傾計，事後又大讚看中多個手袋。

同場還有「波叔」吳秀波，帥氣灰西裝look坐陣。不過入場時發生一段小插曲，波叔入場後，獲大會安排企backdrop影相，怎知未影到一半，向來巴閉的瘋狂時尚達人、《Vogue》日本版編輯Anna Dello Russo入場，和朋友傾完閒計，一行埋位影相就女王上身，無禮地撥手講「enough enough」，叫吳秀波讓位，波叔有點愕然，但依然有風度行開。

日本女星榮倉奈奈、韓星鄭恩彩等都有捧場。Tod's新季一如以往的意式悠閒，名模劉雯、Gigi Hadid、Bella Hadid等行騷。男女裝同騷系列，品牌強項的皮革，春夏繼續全疊打，輕身麖皮恤衫配短褲、dusty pink皮革連身裙，玩味蛇皮、真皮及絲質，作條子patchwork、三色拼色的針織bomber、輕鬆吊腳褲等，華麗輕鬆生活化。重中之重，當然是鞋、袋系列，來季仍見各式水桶袋，經典袋款則加入皮革辮子、流蘇等細節。

採訪：林妙萍
攝影：郭賢興

精選娛聞，喺晒《娛果》
http://fb.com/appledailyent