該政界人士稱，何離開政府後雖轉投民間外交工作，但實際上與北京官場、以及一些在港有份量的親北京人士，關係仍然密切，「如果冇北京同香港有影響力人士支持，你估可以做民間外交工作，仲可以做埋聯合國顧問咩？」早前傳媒亦報道，何所屬的中華能源基金會，被視為前特首、政協副主席董建華家臣的路祥安，就擔任副秘書長一職，「政圈皆知董當年做特首嘅時候，路祥安係佢嘅代表，好多時一啲唔方便出面嘅事，據知當年董要向一啲建制中人私下傳話，都係交畀路去做」，路一直與董共同進退，離開政府後也是重返董建華家族企業東方海外，「所以好多建制派人士相信，中華能源基金會同董建華關係一定唔止咁簡單」。
另一熟悉美國政治人士說，美國執法機關容許一同被捕的塞內加爾前外長加迪奧保釋，卻要將何志平關押，「呢個係美國執法機關慣用手法，將目標人物監禁，令對方恐懼同有壓力，再逼對方同執法人員合作，爆幕後主腦同其他涉案人士」，再加上執法機關拘捕何志平後，肯定全面搜查何及其家人所有公私電郵、手機通訊及銀行來往賬目，「咁查落去，隨時揭露更多幕後人身份，分分鐘爆出更多中、港政商名人出嚟都唔奇」。
季陶
周一、三、五刊出