恆仔@ToNick認定拍拖8年女友小花 世界太亂唔敢生B： 啱錯我都摸索緊

蘋果日報 2021/06/11 18:16

ToNick趙善恆譚杏藍陳志雲
    樂隊ToNick近期走勢強勁，主音趙善恆（恆仔）自導自演的電影《一秒拳王》衝破千萬票房，下月在九展舉行的兩場演唱會更是一票難求。ToNick成為首隊樂隊任陳志雲網上節目《Stephen傾》嘉賓，因其他三子均已成為人夫、人父，志雲自然狂追問主音恆仔與譚杏藍（小花）的8年情婚期，恆仔雖然多番迴避，但最終一句：「係佢㗎嘞！」即全場歡呼，大家都希望今年ToNick再添喜訊。
    恆仔說：「唔係諗嘅問題（結婚），但現在真係相處得好好，各自有大家嘅工作，我哋基本上晚晚都見，工作完畢就見。我同佢都係咁講，覺得兩個人相處係緊要啲，睇吓……會嘅……係佢㗎嘞！但而家都想工作為先。」不過，恆仔今年33歲，小花今年已經31歲，志雲提醒如果想生小朋友便要認真考慮婚期，恆仔一臉認真地說：「呢個真係要諗清楚，係咪要生一個小朋友出嚟受苦呢，我我我……真係要考慮清楚。」志雲追問如果小花好想有小朋友呢？恆仔說：「咁OK嘅，但佢要照顧囉，哈哈。真係要傾囉，一個小朋友成長好重要，好似寫劇本咁，一個人現在嘅狀態，或者係一個人或一件事影響到你。如果生小朋友出嚟，佢係望緊你，現在呢個世界，我都未分得清楚咩係真咩係假，乜係啱乜係錯，我都仲摸索緊，我唔知攞咩原則同佢溝通，我覺得影響好大，所以要諗得好清楚。」
    胡信希（小龜）雖然已為人父，但亦認同恆仔說法：「老實講，如果我未有小朋友，呢一刻會唔會選擇生小朋友，我都可以幾肯定，我唔會。」志雲就打圓場：「愛就係一切，唔使諗咁多。」
    empty
    ToNick被志雲逼婚，一臉尷尬。（影片截圖）
    empty
    已為人父的小龜，直言有得再揀，現在未必生。（影片截圖）
    empty
    ToNick接受陳志雲訪問。（IG圖片）
    empty
    現場亦有獻唱。（影片截圖）
    empty
    恆仔認定小花是終身伴侶。（IG圖片）
    empty
    恆仔表示現在大家相處方式很好。（IG圖片）
    empty
    拍拖8年，一齊經歷人生好多高低起跌。（IG圖片）
    empty
    恆仔和小花去年慶祝第七個七夕。（IG圖片）
    empty
    （IG圖片）
    empty
    （IG圖片）
    empty
    小花是網絡紅人。（IG圖片）
    empty
    （IG圖片）
    -----------------------------
    蘋果App大升級 更簡潔更就手！了解更多（立即下載體驗）