另一隻心水股係聯通(762),公布營運數據理想後,突破9元關,呢隻話晒係藍籌股,無理由落後得咁緊要,中電信(728)同網通(906)都升到飛起,呢架慢車點都要踩踩油,下星期等造旗時吼位買。
個市高位似升還跌,難免令人入市態度遲疑,點樣去解決呢個心理難關,一直都係趙飛雲好想解決嘅問題。畏高症人人都會有,要克服,第一樣係睇今次升浪累積到幾多財富,一路贏上嚟的話,揸住盈利去賭可以放心啲入市,若然未贏過就咁衝入市,就只宜小注怡情了。第二樣,係專揀落後而有潛力嘅股票,個市水浸,呢類股票遲早會被人發掘出來。
趙飛雲