颱風「山竹」漸殺到香港，這個被喻為香港史上最強之一的颱風，極大機會令到周日（16）香港冇馬跑！

不過世界各地周末（15日）、周日仍然有不少精彩賽事，雖然香港冇得賭，但馬迷上網睇睇亦可頂癮！

星期六澳洲有兩項一級賽上演，新南威爾斯省蘭域馬場有馬后「雲絲仙子」復出第二擊，出戰1600米一級賽Optic White錦標（前身為佐治文斯錦標），同場有上季澳洲最佳長途馬、10歲的「酒吧奇案」季內初出。

維省費明頓馬場則有1600米一級賽戴花錦標，韋紀力初次為高多芬陣營的「后土佳兒」執韁出戰，將火併「高興崇拜」、Kings Will Dream及上仗再次勝出一級賽的「保濕器」。

同日，英國唐卡士打馬場有兩歲馬1400米二級賽香檳錦標，兩場加起來大勝11個馬位的「多利美」子嗣Too Darn Hot將擺下擂台。

另有，2900米一級賽聖烈治大賽，三戰加起來大勝19.25個馬位的另一「多利美」子嗣Lah Ti Dar初戰級際賽，強撼岳伯仁馬房的「植物園」。

同日深夜，愛爾蘭李奧柏馬場先有1600米一級賽馬頓錦標，一級賽四連勝的Alpha Centauri再次成為全熱門，鬥法國橡樹大賽冠軍Laurens。

其後還有2000米一級賽愛爾蘭冠軍錦標，朱德望國際錦標冠軍「猛獅怒吼」將面對兩匹「大震撼」子嗣圍攻，包括法國打吡冠軍Study of Man及英國二千堅尼冠軍「碩信尚武」。