名模琦琦﹑CaraG.與老公﹑黃竣鋒（前名：黃集鋒）﹑關楚耀﹑藍奕邦及甘國亮等，今晚出席中環置地廣場舉行嘅威士忌活動。

琦琦透露囡囡早前參加游水比賽，點知凍親搞到發高燒，曾經燒到39.5度，令琦琦憂心忡忡，佢話：「今日已經第五日，已睇咗兩次醫生，退咗少少燒，但仍然38度幾，噚日仲屙咗十幾次，早幾日仲嘔添，搞到我都冇晒力。」

問到女兒患乜嘢病？佢話：「醫生話佢係氣管發炎，凍親個肚，我好心痛，寧願係我自己病。」老公任達華有冇心痛？佢話：「都有呀，佢喺台灣拍緊電影，就算夜晚Facetime，阿女都冇力講嘢，佢冇晒胃口，只係飲湯，活動完咗要盡快返家。」