【韓流】男男配奪情侶獎
朴瑞俊:老闆裴勇俊同我飲酒慶功
蘋果香港韓國韓劇MBC即時裴勇俊KeyeastHeHe朴瑞俊愛上哪個我SectionTV演藝通信池晟MBC演技大賞
朴瑞俊重提孖池晟奪情侶獎嘅心情,又透露裴勇俊當晚同佢飲酒慶功。
朴瑞俊(右)跟池晟於《愛上哪個我》內真係好「sweet」㗎
韓國男星朴瑞俊跟拍檔池晟於去年嘅《MBC演技大賞》中,憑《愛上哪個我》嘅男男配奪得最佳情侶賞,早前朴瑞俊上節目重提呢段HeHe情,表示自己都唔相信,又透露當晚老闆裴勇俊有同佢飲酒慶功。
於噚日播出嘅節目《SectionTV演藝通信》中,朴瑞俊透露跟池晟獲得最佳情侶賞時嘅心情:「當時就一直諗『唔係吧?唔係吧?』知道成為候補後,覺得可能只係宣傳效果,估唔到最後真係得獎。」之後又透露:「當晚頒獎典禮結束後,公司老闆裴勇俊都有前來為我慶祝,仲一齊飲咗酒。」當被問到酒量時,朴瑞俊就答:「我嘅酒量大概係兩瓶燒酒。我飲完酒一定要沖涼先可以瞓,就算係飲到不醒人事,都一定會沖涼。」