韓國女團少女時代隊長泰妍今、明兩晚於亞博館Hall 10舉行個人演唱會《TAEYEON solo concert "PERSONA" in HONG KONG》，今晚舉行首場，粉絲未開場已狂揮動粉紅色螢光棒應援。

原定開騷時間係晚上7點，唔係係唔係因為場外加強保安，所以泰妍最終於7時20分先出場，泰妍穿上白色連身裙晒腿現身，演唱《Feel So Fine》、《I》等歌曲晒靚聲打頭陣，唱《Make Me Love You》時更企上升降台，邊唱邊揮手，又大派心心。

之後泰妍先後用英文及廣東話打招呼: 「大家好，我係泰妍。」話好開心嚟到香港，而且話見到台下粉絲準備嘅應援牌及公仔，知道有粉絲今日生日，即同粉絲講生日快樂，好識冧粉絲。