鄭州燃氣(3928)本周初與華潤燃氣(1193)雙雙停牌,這單新聞未見報章作大篇幅報道,就連簡訊亦都少見,皆因通告只表示涉及股價敏感消息,令媒體無法大事報道。今年7月,華潤集團與鄭燃母公司鄭燃集團簽訂合作框架協議,設立合資公司經營燃氣產銷等業務,雖然通告無講明係由華燃母公司定係旗下華潤燃氣出手,但市場應該估計得到,華潤燃氣吞併鄭燃可能性相當高,兩股停牌,意味交易已準備就緒,股東坐定定等睇好戲。
同類股中有收購合併或注資概念者,除中油香港(135)之外,濱海投資(8035)亦係其一,若相關股份炒起隨時可發力向上。該公司前身為華燊燃氣,08年5月進行債務及股權重組。完成後,天津泰達與其一致行動者持有濱海投資58.34%股權。重組及供股後,公司獲注8.73億元現金,其中約5.07億元用於償還債務。