【本報訊】市建局宣佈重建庇利街／榮光街舊樓為一批「等到頸都長」的長者業主帶來喜訊。八旬女戶主獨居於400呎唐樓，每日與老鼠、剝落石屎為伴，等待重建多年，等到老伴都過身了，終在有生之年看到重建曙光，不禁老淚縱橫；但有60年歷史的老舖東主擔心結業後難覓新店復業，更不捨多年街坊情。

86歲張太居於環興街舊樓頂層50年，聽到重建有望激動落淚，「等咗好多年，結果老公等唔到過身。」她每天行8層樓梯出入，腰痠背痛又患高血壓，又曾被剝落石屎擲中左腳，且單位鼠患嚴重，半年遇過百隻老鼠，「食環嚟捉老鼠，話啲老鼠仲肥過我！」她有意選擇啟德樓換樓。
另一業主葉太居於庇利街8樓單位，支持重建，「等咗7、8年，去過市建局請願5次。」其單位漏水嚴重，「黑雨時漏到要瞓廳，成房濕晒。」早前馬頭圍道塌樓，她擔心其大廈會倒塌。她希望選擇啟德樓換樓，但擔心樓價差額太大難負擔。
環樂街60年老舖鴻興辦館由88歲東主葉伯創立，主要做街坊生意，擔心難覓店舖重新經營；鋼鐵工程公司東主楊先生亦對重建感無奈，指地舖租金動輒數萬元，難以負擔，重型機械亦難搬上工廈。
庇利街舊樓天台滿佈僭建物，至少住了10多戶，江先生一家4口居於200呎天台屋，等公屋10年，曾2度揀樓，因單位情況太差無上樓。他擔心因天台屋住戶不獲賠償，希望市建局助他上公屋。
■記者鍾雅宜