當年今日

阿Sa證阿嬌造訪白龍王
「都係求平安健康囉」

蘋果日報 2008/10/06 00:00


自從淫照事件後,鍾欣桐(阿嬌)一直深居簡出,事業未見起色,早前有台灣藝人在泰國遇見她求見白龍王,未知是否求白龍王指點迷津。其拍檔蔡卓妍(阿Sa)昨日出席活動時,坦承早前與鍾欣桐及老闆楊受成一起見過白龍王。
蔡卓妍、江若琳與衞詩等一班歌手昨日出席在杏花邨舉行的「新城慈善K唱遊@MTRShoppingCentres」活動,早前台灣藝人楊繡惠在節目《心花朵朵開》中爆料,指在泰國見到鍾欣桐會見白龍王。
曾被剪小撮頭髮
記者昨日向阿嬌的拍檔阿Sa求證,她說:「好耐之前嘅事啦,我都唔記得係6月定7月嘅時候,我都有見呀。嗰次係同老闆楊受成,仲有一啲公司嘅藝人、同事一齊嘅。」問她可知阿嬌祈求甚麼?她說:「都係求平安同健康囉,其實都係好casual咁去,唔係特別要求啲咩。」問阿嬌是否被白龍王剪去一撮頭髮?阿Sa說:「佢冇同我講喎,我哋係分開入去見嘅,就算有都唔出奇,好多人都俾佢剪過頭髮,我都有試過,不過今次冇之嘛。」阿Sa透露每年都會去見一次白龍王。
眾星在昨日的活動可自由揀唱喜歡的歌曲,問阿Sa會否點緋聞男友鄭中基的歌,她說:「唔會呀,男聲點唱呀。」問她會否和鄭中基去唱K?她說:「我成年冇唱K喇,之前都有同佢唱過,咪係拍戲嘅時候,同一班工作人員唱囉。」
empty
阿嬌6、7月期間曾到泰國見白龍王(小圖)。
資料圖片
江若琳台灣散心
此外,江若琳表示月底向公司請了三日假期,會與友人到台灣旅行,她說:「因為我啲朋友知我呢排唔開心,所以佢哋請我去玩幾日散下心。」
採訪:胡比
攝影:黃偉雄
empty
江若琳(左)月底會與朋友到台灣散心。