逆權運動以來，警方濫權濫暴無日無之，更多次在衝突現場近距離用胡椒噴霧掃射記者、言語辱罵及推撞記者。警務處處長鄧炳強接受電視台訪問時否認是針對傳媒，承認有警員辱罵記者為垃圾是不當言語，強調已要求管理人員提醒前線警員要表現專業，「呢啲係不當嘅言語係唔應該嘅，如果有咁嘅情況，我相信我哋啲同事一定會首先作出訓斥，希望唔會再有呢啲事情發生。」他續稱，在反修例事件中，部份針對警察的投訴經調查後證明屬實，監警會正審核。

截至本月6日，警方投訴警察課共接獲1,678宗與反送中運動有關的投訴，涉及5,141名投訴人；其中569宗為須匯報投訴，屬「行為不當」有207宗（36.4%），「疏忽職守」有113宗（19.9%），「毆打」有91宗（16%），「濫用職權」有83宗（14.6%）。

僅全面調查21宗投訴

鄧炳強接受Now新聞台節目《大鳴大放》時稱，部份投訴已證明屬實，「一啲係證明屬實，一啲係無法證實，一啲並冇過錯，或者係一啲無法追查。」主持人指，反修例事件多達1,600多宗對警員的投訴、有逾5,000名投訴人，但只全面調查其中21宗須匯報投訴，質疑能否回應市民對警隊的不滿。鄧反駁，「你頭先講嘅數字，其實可能係好多人睇到同一段片段，可能覺得有問題於是作出投訴，所以其實好多係同一件事件有好多人去投訴，正正係咁嘅情況。」

去年10月，now新聞台採訪車車長在旺角警署外被防暴警的子彈擊中後腦倒地，該台攝影師當場向警員確認車長身份但遭驅趕，車長雙手被索帶反綁，警員其後將車長押入警署，拖延兩小時才送院。受傷車長除後腦中彈外，更在警署內遭警員私刑毆打，導致下巴骨裂及身體多處受傷，該台已正式作出投訴。

鄧炳強表明，將嚴肅全面調查有關事件，「收到投訴之後，我哋已經即時將有關投訴、有事發生嘅地方嗰啲閉路電視，同埋其他相關嘅記錄已經保存咗，我哋就住呢件事件係會作出全面調查，睇返當日究竟發生咩事？當日我哋同事嘅部署係點啦，同埋向有關人士攞（錄）取口供，我哋一定會嚴肅全面作出調查。」

稱相信同事 會先作訓斥

過去大半年的示威衝突現場，記者多次被警員粗暴對待，主持稱警員會驅趕記者、「行埋嚟就噴（胡椒噴霧）」、部份警員在現場高叫「多得你呢班垃圾記者」。鄧炳強否認是針對傳媒，「呢啲係不當嘅言語係唔應該嘅，如果有咁嘅情況，我相信我哋啲同事一定會首先作出訓斥，希望唔會再有呢啲事情發生……個訊息已經透過我哋管理人員、我哋係唔應該講一啲唔應該講嘅說話啦，唔應該做一啲唔應該做嘅嘢啦。」

警方就年初3宗爆炸品案拘捕17人，鄧炳強稱，正與律政司研究，改為引用《反恐條例》控告其中6名被告，「一啲嘅行為如果導致嚴重嘅財產傷亡、人命傷亡，或者對公眾人士有危害，而佢嘅意圖係要強迫特區政府去做一啲嘢事，呢個都已經切合咗罪行嘅元素。」

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架