韓劇《奇皇后》39歲女星河智苑（本名田海林）嘅演員胞弟田汰遂於今年1月離世，享年33歲。早前河智苑因胞弟突然離世已即時取消所有工作，不過近日已復工，噚日亦首度現身韓國公開場合，出席電影《奶酪陷阱》嘅VIP試映會。

另外，河智苑早前飛去馬來西亞，為當地雜誌拍攝嘅新相，亦於今日公開。河智苑以微濕嘅髮型現身拍攝，展現冷酷嘅一面，大行型格路線。訪問中，河智苑談及演出吳宇森導演嘅電影《追捕》一事，表示：「好高興能透過呢部電影跟吳宇森導演，以及中國、日本等團隊合作，我自己都產生咗想挑戰新事物及體驗不同文化嘅自信，希望能一直保持堅持到底嘅心，而且一直以謙虛嘅姿態生活。」

更多韓流，喺晒《娛果》
http://fb.com/appledailyent