民主派喺今屆立法會選舉真係百花齊放,又大班、又大狀,但作為民主派老大哥嘅民主黨就唔多掂,只係有七個位穩陣,就算叻到盡,八方計到盡都係得十席。難怪有民主黨人牙痛咁聲,話若果羅致光選社會福利界,起碼都保住𠵱家十一席。但作為民主黨「大腦」嘅羅致光話,無後悔唔參選,亦唔覺對民主黨有大影響。羅致光出名IQ爆棚,真係佢諗得通,我哋平凡人諗唔通。
但講番轉頭,若果民主黨今次選舉成績倒退,主席楊森係咪要有少少表示?側聞前一屆區議會選舉,民主黨冇咗十幾萬票,喺會員大會都有人提出要當時嘅主席李柱銘下台,若果今次冇咗個立法會議席嘅話,我諗楊森都要諗吓點解畫。
(圖)羅致光今屆唔選立法會,有民主黨人因此牙痛咁聲。
傳真︰2623-9278
電郵︰
[email protected]