內地導演陸川新作《我們誕生在中國》成為「中國電影展2017」開幕電影，陸導演今晚現身尖沙嘴文化中心舉行嘅電影酒會，《我》片題材圍繞動物，佢話係拍戲以嚟，最難嘅作品之一，陸導演話：「《南京！南京》花了五年時間，這部就用了三年多時間，拍攝過程很累。」

不過佢話唔會因為咁驚咗拍同類型嘅電影，只係覺得人生太短暫，唔想拍重覆嘅題材：「希望自己的電影生涯，拍出不同的題材，不想被定性為專門拍動物電影，這部戲拍出來之後，有很好的酬金請我拍以鯊魚或烏龜的題材電影，但我都推掉了。」

講到新工作計劃，佢話年底會拍部災難片，o依家搵緊演員，問到會唔會搵香港演員合作，佢話：「一向有跟香港的電影人合作，我很喜歡梁朝偉，周潤發、劉德華，也想合作，也很欣賞劉青雲、黃秋生，他們的演技很厲害。」

攝影：馬建華