【分訊救銷情?】劉浩龍下月麥花臣開騷1場 網民撳40張貴飛仲有得賣
容祖兒劉浩龍
黃柏高、劉浩龍、劉倩婷同沈震軒今日到屯門參與「仁愛堂共築健康新界西2018暨服務開展典禮」,劉浩龍近日被指跟樂壇天后容祖兒甩拖,精神奕奕現身,日前跟徐濠縈練跑,佢指每日都有跑8公里,直至日前覺得狀態應付到,便相約「肯亞徐」徐濠縈一齊跑,點知對方一開始便跑斜路,幸好都追到步速。
下月開始練舞,劉浩龍笑言自己一向認真跳舞,但大家看完便發笑,今次排舞師決定為佢編排全新舞步,務求令大家有驚喜,至於演唱會上騷唔騷肌,佢話:「o依家睇到四嚿,教練話我療程應該係半年,o依家操三個月就上台,所以騷後會繼續操,希望有張相留念肥龍都變成咁。」
問到身邊唔少朋友表示會去捧場,咁女友祖兒會唔會去?劉浩龍話:「個個朋友都嚟。」有報道指佢堅持同祖兒AA制,劉浩龍笑指呢個似係社會問題,呢篇創作嘅不實報道,自己無法回應,問及有冇同祖兒聯絡,佢亦都話冇回應。
此外,劉浩龍下月尾喺旺角麥花臣場館開一場小型音樂,加臨時座椅最多可容納2千人,暫時未見有人於網上放飛,有網民嘗試一次過去購票網,撳40張貴飛$580門票,連位仍有售,銷情仍有進步空間。難怪之前有傳劉浩龍同祖兒用分手為演唱會宣傳,之但係學劉浩龍話齋呢個年代唔需要咁做(新聞連結: http://bit.ly/2pkhav0 ),可能嚟緊一個月啲門票火速售罄呢。
精選娛聞,喺晒《娛果》
http://fb.com/appledailyent
劉浩龍下月尾喺旺角麥花臣場館開一場小型音樂。 (網上圖片)
有網民嘗試一次過去購票網,撳40張貴飛$580門票,連位仍有售。(網上圖片)