現年36歲嘅韓國女星張娜拉有「童顏女星」之稱，據知張娜拉嘅童顏係家族遺傳，哥哥都係出名童顏，連張爸爸上節目都提到呢個「童顏基因」。

日前張娜拉父親朱虎聲於節目中提到囡囡早前於劇集《告白夫婦》中飾演大學生，朱虎聲表示：「我一開始都唔相信，不過童顏係我哋屋企嘅遺傳，娜拉嘅哥哥都41歲，但去到邊都會被話係細佬。」

朱虎聲又公開老婆年輕時嘅照片，再次力證張娜拉嘅童顏係遺傳自父母。