被指為「英雄狗」的MoMo和Frances，一年半前原來是令主人甚為頭痛的問題小狗，見食物就搶，見人就亂吠，是個對人毫無安全感的毛孩，直至遇上主人梁小姐和Alva的適心照料，才改變恐被人道毀滅的命運。

MoMo和Frances是來自元朗一個垃圾場，兩兄妹在2015年4月出世後數個月，就被狗義工帶走，恰巧梁小姐一家搬入洪水橋田心村的石屋，「當時覺得需要看門狗，就去試下領養。」起初MoMo和Frances皮膚狀態非常差，身上還有陣陣「垃圾味」，「就好似一架垃圾車經過嗰陣味，個身啲毛甩到一撻撻，好似生癩痢。」梁小姐當時並無嫌棄，反而是牠們一副「生人勿近」的性格，令梁小姐望而生畏，「從來餵唔到嘢食，因為一放低就搶。」

「聽返義工講，原來佢哋喺垃圾場出世後成日冇嘢食，又試過畀人打，所以見到人會好惡，係要保護自己。」梁小姐指經長時間照顧和相處，MoMo和Frances才肯親近主人，「加上Alva搬入嚟之後用好多時間陪佢哋，而家（狗）變得好乖。」現時牠們毛色重現光澤，皮膚亦很健康，更戒掉搶食的習慣，「而家好咀刁，狗糧都唔願食，要食貓魚添。」梁小姐笑著說，牠們已入屋成為寵物狗，更呼籲有能力人士可考慮領養被遺棄貓狗。

你敢爆，我敢獎！ 即Call《蘋果》24小時爆相爆片熱線 ：63836568