今日中秋節，不少市民今早來到九龍城街市買餸準備今晚團月飯，街市食材普遍升價約一成。九龍城街市周華記鮮雞檔老闆玲姐指，由於天文台早前預計今日打風，不少市民怕天氣惡劣，昨日已去街市買雞，她指平日只會入80、90隻雞，中秋入貨約250隻活雞應市，每斤賣85元，比平日每斤65至75元稍貴，不過現時已去貨一半，透露部分客人一口氣買三、四隻雞打道回府過佳節。

培記蔬菜湯太則指，正因為天文台說打風但又打不成，「啲菜價先升唔起。」她指菜心售十多元一斤，豆苗則50多元一斤，菜價與平時差不多，「都係貴幾毫，一成都冇」，她指多客人喜歡打邊爐及燒烤，因此粟米等蔬菜反而更暢銷，「依家啲人好似食唔食都冇所謂，反而過年緊要啲。」

海鮮檔方面，盛記海鮮老闆游太表示，因為市民喜好佳節外出用膳，因此要與酒樓等大食肆競爭，貨源會較緊張，所以來貨價貴了一成至兩成，幸颱風無令物流延誤，否則可能更貴。唯物價上升市民便將價就貨「買少咗」，她指蝦蟹漲價最多，以基圍蝦為例平時80元一斤，今早賣96元一斤。游太說今日會提早一小時回家準備團月飯，笑言要等客人取貨，故「冇得再早啦。」

海鮮檔主冼小姐今早劏海鮮不停手，但她苦言生意僅一般，不算十分旺場，但市民仍願意花費準備團月飯，當中尤以魚及蝦最多人買，「東星斑最好賣，紅噹噹好意頭。」平時賣300多元一斤，今日貴了70至80元，售400元一斤，她解釋因為早前說打風，來貨提早到檔口，所以較平時貴，不過鮑魚等其他海鮮價格與平時相若。

66鮮菓店的林太指，早前油麻地果欄火災以及台灣打風都每來貨價升，價錢約升了一成，市道一般所以非人人都爽手購物，最多人買日本水晶梨過節，幸存貨已售得七七八八，有望今晚早點收檔回家過節。

街坊范太今早親到九龍城揀靚雞準備晚飯，「整白切雞，清蒸嘅，好好食。」她笑指難得九個孫兒一同回家吃飯，要親自下廚，還要買鮑魚做菜，也準備了逾千元買餸。另一街坊姚太則指，早兩天已吃過團月飯，買了鮑魚等餸與家人共享天倫，今晚則「求其整啲啦」，買了300多元的蟹準備弄潮州凍蟹。