噚晚小鳳姐演唱會頭場全場爆滿，在場觀眾都睇得好high，除咗呂方做嘉賓之外，仲有南極探險家李樂詩做嘉賓，兩人台上合唱又一齊跳舞，李樂詩講笑話﹕「有帶埋小鳳姐嘅唱片到南極俾企鵝聽。」

另外，小鳳姐好貼地，除咗唱自己歌外，仲有唱一堆後輩嘅歌，有黎明嘅《那有一天不想你》，王菀之嘅《留白》；唔只咁呀，小鳳仲有唱一快堆歌包括﹕《獨自去偷歡》、《激光中》，鄭秀文嘅《信者得愛》，城城嘅《唱這歌》。雖然小鳳姐無咩點跳舞，但係都有扭晒身好多動作，現場氣氛炒熱得更高漲！