當年今日
關於我們

【看透世事】比歷連尼:獎盃不代表一切

蘋果日報 2015/03/17 06:00

曼城比歷連尼

曼城上禮拜六喺聯賽0:1輸畀般尼,衛冕英超機會又細咗,不過看透世事嘅比歷連尼似乎唔多擔心,仲話做曼城領隊係成功定失敗,並唔係用獎盃數目嚟衡量嘅。呢位智利籍領隊話:「文仙尼係因為其他原因畀人炒魷魚,唔係因為一年無贏錦標就畀人炒,喺曼城唔係因為無獎盃就失業。我意思唔係話攞第4、第5無問題,因為曼城係一個長期項目,但近四年我哋贏過兩次聯賽,一次英足盃同一次英聯盃,我從來唔認為我贏唔到盃就會畀人踢走。」曼城依家喺聯賽落後榜首嘅車路士6分,藍戰士仲要踢少一場,令曼城衛冕難度大增。