楊偲泳（Renci）同駱振偉（Thor）今朝喺不足十度氣溫下，參加科學園十公里跑，周國賢與樂隊ToNick擔任會場內音樂會表演嘉賓，Renci與Thor完成賽事後，跟一眾健兒欣賞音樂會。

在寒風下跑步，Thor坦言最困難係要諗着多少衫才夠暖，Renci表示平日只會輕鬆跑，不會以挑戰時間為目標，但今早賽道旁增設了障礙賽區，她說：「我立即走咗去玩，點知攝影師話未擺好機，叫我再嚟過，其實我好鍾意爬嚟爬去。」

談到2019年大計，剛完成幾部劇集的Renci，希望作品在新一年有好收成，獲觀眾喜歡。Thor同樣將願望放在工作上，他希望再多些幕前演出機會，雖然兩人同樣接拍ViuTV新劇《理想國》，但負責不同故事，Thor笑說：「若果拍埋同一個故事有感情線，需要有接吻戲，我心係好想拍，但實際就唔敢，驚俾人鬧。」Renci笑指唔使驚，仲問使唔使練下借位。

另外好友黃心美離開公司，Thor指早於個多月前得知，問到有沒有跟心美farewell？Thor說：「又無，平時都會私下約飲咖啡，加上喺公司又冇合作，佢係阿姐，我呢啲點有機會合作，哈哈！」他相信心美往外闖會有更好發展。

精選娛聞，喺晒《娛果》
http://fb.com/appledailyent