第三個免費電視台奇妙電視台，今日喺會展嘅影視娛樂博覽，舉行盛大嘅記者會，同場宣佈奇妙電視將於5月14日晚上正式啟播。

奇妙電視與同有線電視同屬九倉旗下，之前九倉(004)主席吳天海表示，考慮5月31日收費電視牌照到期前是否接受新牌(新聞連結： http://bit.ly/2lGXylX )，意味着有線可能會停播，之前大家都好擔心奇妙電視會唔會胎死腹中，但今日奇妙電視就公佈喺5月14日正式啟播，員工暫可鬆一口氣。

根據奇妙電視嘅官方網頁，暫時都只係得啲節目簡介，好似杜汶澤主持嘅《杜汶澤食住上》、黎燕珊同曾美華主持嘅《潮拜傲媽》、李司棋同囡囡葉子青等主持嘅《帶阿媽去旅行》等等，但就未見網頁有詳細交代電視台嘅背景。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。