今朝（11日）未夠7點，丁冠豪到機坪搵蔡明紹密斟，兩個人一邊傾一邊睇住周三（12日）第一場五班1800米的「幸運神駒」，由助手機坪熱身。

丁師傅安排蔡明紹策騎此駒出內圈踱步，隨即趕往烽火台督操，睇罷再急步返幾坪接馬，最後更跟住愛駒返馬房，全程跟到十足，動態異常積極。

丁師傅至今贏咗三場馬，其中「勝利寶石」及「飛壹般」賽前數天都曾經由佢親自操練，「幸運神駒」排位前就由丁師傅操過兩課，加埋今朝動態，點都值得捧場。

「幸運神駒」上季多次在谷草長途賽事有接近表現，可惜跑法不定，時而放頭時而後上，可能正是其未能贏馬的原因。

現時轉至丁廄重新做好，評分降至谷底後有望反彈。加上排得8檔，預期可以走生位，以應付隨時發生的變奏情況。