佔領運動已逾50天仍沒有突破。有留守旺角的佔領者，前晚特意到金鐘現場聲援。他認為行動有必要將行動升級，「長此落去，運動冇咗焦點，好快俾人遺忘」。但升級的時機須要斟酌，「同黑警相比，打爛玻璃算得係乜嘢？𠵱家個政府已經接受咗佔領行動，要有改變先畀到壓力，好似2003年遊行有用，2004年仲有少少用，但2014年就冇用啦」。他批評和平佔領者享受光環，對所有衝擊者好大反感，對於被指衝擊會導致警察清場，他回應，「佢冇藉口都可以清場㗎啦 」。
另一支持衝擊的留守者「巫孩」則指，運動需要轉捩點，「唔通真係坐到2047咩，我定期做啲嘢，等佢知道你仲係好想要真普選，而唔係淨係唱歌」。她直言從來反對佔中，「坐喺度俾人拉，係好消極，我哋唔可以咁樣，要有其他行動，金鐘人數好夠（去衝擊），係思想問題」。