聖誕新年長假期過後,班高官同議員又再喺立法會會議室聚首一堂,噚日係教育事務委員會開會,張文光同李國章都係啱啱喺外地回港,心情靚靚,所以就算係傾334同通識教育呢啲大問題,都冇正面衝突或者火花四濺,李局長一味話願意聽意見,又話可以延長諮詢,張文光同余若薇都冇佢符。
不過,傾到削教育學院開支,身為教協會長嘅張文光就猛咁嘈,話李國章五年減教院一半開支太過份,余若薇亦都話咁搞法會令教院冇得做,結果拗咗好耐,李局長先至氣谷谷話都可以重新睇吓,班議員先肯收手。
傳真︰2623-9278
電郵︰
[email protected]