國家落實政策，香港男人內地嫖妓，公安通知香港老婆。
心繫家國，志在四方，沒有國哪有家，屋邨師奶這回難免頭痕。本來裝儍扮懵，由得個衰佬拈花惹草，表面相安無事，「只要不搞到屋企就算了。」張師奶正在做筒子，偏偏摸到一隻三萬，沒好氣地對牌友這樣說。其實屋邨上下的麻將搭子，有哪個不是像張師奶的心態，兵來將擋。男人逢放假就會聯同幾個爛鬼同事北上，珠三角難道有金淘，除了按摩桑拿唱Ｋ食野味，求求其其都會掂到那一瓣。自己老公正派，其他老公才不會讓他坐懷不亂。這樣，慢慢慣下來，老公每個月都有幾天在羅湖橋另一邊「搵食」。香港老婆除非是文盲，就算不肯花錢買報紙，到隔籬屋邨恤髮時，只要留意一下過期的《壹週刊》報道，心裏多少有數。

「男人，邊個唔鍾意偷食呀。」剛食出一鋪三番的李師奶很專家口吻地說。「與其俾佢包二奶，不如叫散餐，負擔冇咁重皮。」李師奶多讀幾年書，是電台時事節目的擁躉，分析起形勢，頭頭是道。
「假如收到公安電話，怎麼反應好？」師奶唔易做，開門七件事，樣樣要兼顧，如今還要應付突發急call，心裏難免有點虛。
「記住，立場要穩，唔好畀機會人敲詐。最好擺出個『惠顧散養家禽冇違反基本法』的姿態。無論好佬與爛佬，至怕都是潑婦。你唔急佢所急，叫公安轉告個衰公，自己搞掂至好返來，唔好嚇親兩個囝囝。」打完四圈，師奶接放學前一致認同，不會因為老公嫖娼而離婚，但會着緊追問公安大哥，個衰公當時，有無打底用套。