當年今日
關於我們

患強直性脊椎炎20年 數月前又中風
病翁靠電腦自力更生

蘋果日報 2007/01/25 00:00


身材魁梧、頭髮烏黑的盧錦光,外表完全不似年屆65歲的退休長者。若非發現他身旁的柺杖,觀察到他右邊手腳活動生硬,且頭部不能轉動,實難想像他是一名身患頑疾的病人。他既無奈,又感慨地說:「以前我非常好動,成日去爬山、爬繩索、划艇、滑水,𠵱家連行步路都唔穩陣!」
盧錦光45歲那年,經常感到頸部持續不適,原來患上強直性脊椎炎,其後病情不斷惡化,被迫放棄熱愛的運動。至5年前,由於頭部難再活動自如,他無法繼續任職私家車司機,遂轉行從事保安員,堅持自食其力。
病魔奪去盧錦光的健康,卻引領他積極投身義務工作,「我唔想浪費時間,雖然我有病,但係仲可以做到好多嘢,所以加入咗強直性脊椎炎病友嘅自助組織,又係青年傷殘協會同復康網絡會員,好多時都去探訪病友、參加分享講座,鼓勵同路人。」
參與義工服務令盧錦光感到滿足,惟去年9月,他再被病魔狠狠打擊,「有一日我突然企唔穩,之後講唔到嘢,右手右腳郁唔到」,送院檢查證實他中風,留醫一個月,目前他每周需接受三次物理治療,以改善言語及右邊手腳活動能力。
行動不便,迫使盧錦光暫停探訪病友服務,積極的他遂另謀出路,「我讀緊電腦繪圖、圖案設計、Photoshop(執相)課程,希望將來幫手整啲病友通訊同刊物,另外,可以同其他病友接job(工作)做,用電腦幫人執相同設計環保袋嘅圖案,賺啲錢幫補生活費。」
可是,盧錦光家中的二手電腦型號太舊,無法配合其學習需要,「部電腦係朋友間公司唔要,轉送畀我嘅,但係底板太舊,唔能夠用新軟件,我又冇能力買過部。」獨身的他兩年前退休後靠微薄積蓄維生,數月前開始依靠綜援金生活,手頭積蓄所剩無幾,無力購買一部全新電腦。你願意助他達成心願嗎?
捐款編號:C2258