官恩娜（Ella）舊年10月生完混血兒囝囝BéBéG後，久唔久都會喺社會網站晒吓相，今晚佢就貼咗張非常肉感嘅新相——囝囝全裸出浴照！嘩嘩嘩！

4個幾月大嘅BéBéG塞咗手指仔入口，坐喺疑似一對白滑玉腿上，好嘆咁樣，完全唔怕水，Ella用英文留言話：「所有他見到的東西都會放入口中，他的新事是吐口水，有沒有人知道BB何時會開始用兩隻手去拿玩具？」

喺相入面仲見到有一本《海底捕魚囉！》嘅書，仲有啲魚形同龜形嘅玩具喺水面浮吓浮吓咁。最好奇嘅係，點解Ella會特登打個hashtag「全人奶BB」，同BéBéG少爺洗白白有冇特別關係同暗示呢？