天后阿梅今日隆重出殯,殯儀場面,極為墟冚,據香港掌故史專家指出,自從一九六四年林黛食安眠藥、一九七三年李小龍離奇猝死之後,已經未見過咁盛大嘅送殯場面!
一國兩制一國為大
不過,好似做戲咁,凡係有場面,就梗有不速之客到場。阿梅喪禮嘅超級殯儀之星,就係「六四反革命暴亂」嘅中國政府第二號通緝欽犯吾爾開希,以中國民運代表及中華民國國民身份,大搖大擺,由台灣飛抵特區。由赤鱲角機場正門堂皇進入,順利過境,毋須通櫃,毋須驗沙士,亦毋須先簽署「我全心全意支持董建華管治香港、全心全意擁護三個代表論及祖國統一」嘅保證書。