當年今日
關於我們

隔牆有耳:田二少拒再做窮富翁 - 李八方

蘋果日報 2011/08/08 06:00


田二少參加過港台節目《窮富翁大作戰》捱過幾日窮後,從此對基層生活別有一番感受。而做開零售嘅佢,亦對地產霸權「另眼相看」,佢噚日出席《窮富翁大作戰》論壇,同青年人討論仇富同仇商問題時,大鬧香港財富分佈不均,地產商唔止越撈越有、仲係越撈越過界,基層市民又點會唔怕?市民最仇嘅其實係社會唔公道。
田二少仲再次力撐最低工資幫到窮人,提醒港台如果重拍《窮富翁》,記住畀番每小時28蚊嘅最低工資。不過對於添食再作戰田二少就擰晒頭,話費事畀人話做show抽水喎。